Bermeoko Udala

• 2025-2026 ikasturterako programazioak gaikako sei saio ditu, nerabeen hazkuntzarako eta laguntzarako gai garrantzitsuei buruzkoak.

Bermeoko Udalak, Adikzioen Prebentzio Zerbitzuaren bitartez, udalerriko familia guztiei zuzendutako prestakuntza proposamen zabala prestatu du 2025-2026 ikasturterako. Aurreko urteetan ikastetxe bakoitzeko familia-elkarteen bidez antolatzen zen ekimen hori, eta, joan den ikasturteaz geroztik, Bermeoko familia guztiei irekitako eskaintza globala bihurtu da.

Programazioak gaikako sei saio ditu, nerabeen hazkuntzarako eta laguntzarako gai garrantzitsuei buruzkoak. Saioen egutegia honakoa izango da:

• Urriak 8 eta 9. Depresioa eta antsietatea nerabezaroan
  Lekua: Gizarte eta Kultura Etxean, 17:30ean
  Hizlaria: Ester Zarandona, haur eta gazteen psikiatra (hilaren 8an bakarrik)
• Urriak 22 eta 23. Suizidioa nerabezaroan
  Lekua: Gizarte eta Kultura Etxean, 17:30ean
  Hizlaria: Ester Zarandona (hilaren 22an bakarrik)
• Azaroak 12. Nerabezaroa familian ulertu
  Lekua: Eleizalde ikastola, 17:30ean
• Urtarrilak 21. Familiak aro digitalean: teoriatik praktikara
  Lekua: Sagrado Corazon Ikastetxea, 17:30ean
• Otsailak 18. Gure nerabeen lehen kontsumoak
  Lekua: Bermeo BHI, 17:30ean
• Martxoak 18. Positiboan hezteak mugarik ez jartzea dakar?
  Tokia: San Frantzisko Herri Eskolan, 17:30ean

Udalerriko ikastetxeen laguntzari esker, saio horiek bertako instalazioetan egingo dira, interesa duten familia guztiei sarbidea erraztuz.

Izen-ematea

Izen-ematea informazio kartel bakoitzean agertzen den QR kode baten bidez egingo da.

Saio bakoitza aurrera egiteko, gutxienez, 4 pertsona egon beharko dira izena emanda, eta, gehienez, 30 parte-hartzaile onartuko dira. Saioak dohainik dira.

Informazio gehiago: Telefonoak: 675 02 50 18  edo  94-617 91 58  Helbide elektronikoa: bermeoprebentzioa@etorkintza.org Aurrez aurreko arreta: martitzenetan, eguaztenetan eta eguenetan, 09:00etatik 14:00etara.