Bermeoko Udala

• Familiei laguntzeko tresnak eta gogoetarako espazioak eskainiko dira Familia Eskolen bidez.

Bermeoko Udalak, Adikzioen Prebentzio Zerbitzuaren bitartez, udalerriko familia guztiei zuzendutako prestakuntza proposamen zabala prestatu du 2025-2026 ikasturterako. Programazioak nerabezaroarekin lotutako hainbat erronka lantzea du helburu, familiei egunerokoan lagungarri izango zaizkien tresnak eskainiz.

2026ko lehenengo saioa datorren astean izango da, urtarrilaren 21ean. Otsailean, berriz, bi saio egongo dira aukeran; horietako bat azaroan bertan behera geratu zen hitzordua ordezkatzeko izango da, otsailaren 5ean. Hemen dituzue zerrendatuta hurrengo saioak:

• Urtarrilak 21. Familiak aro digitalean: teoriatik praktikara
  Lekua: Sagrado Corazon Ikastetxea, 17:30ean
  
  
• Otsailak 5. Gure nerabeen bidelagunak. Zelan ulertu gure seme-alabak?
  Lekua: Eleizalde Ikastolan, 17:30ean
  
  
• Otsailak 18. Gure nerabeen lehen kontsumoak. Zelan landu familian?
  Lekua: Bermeo Institutuan, 17:30ean
  
  
• Martxoak 18. Positiboan hezteak mugarik ez jartzea dakar?
  Tokia: San Frantzisko Herri Eskolan, 17:30ean

Udalerriko ikastetxeen laguntzari esker, saio horiek bertako instalazioetan egingo dira, interesa duten familia guztiei sarbidea erraztuz.

Izen-ematea

Parte hartu nahi dutenek izena eman ahal izango dute saio bakoitzari dagokion informazio kartelan agertzen den QR kodearen bidez. Saioak egiteko, gutxienez, 4 pertsona egon beharko dira izena emanda, eta, gehienez, 30 parte-hartzaile onartuko dira. Saioak dohainik dira.

Informazio gehiago:
Telefonoak: 675 025 018  edo  94 617 91 58 
Helbide elektronikoa: bermeoprebentzioa@etorkintza.org
Aurrez aurreko arreta: martitzenetan, eguaztenetan eta eguenetan, 09:00etatik 14:00etara.